sad shayari new


Kahin Wo Aa Ke Mita Na Den Na Intezar Ka Lutf,
Kahin Qubool Na Ho Jaye Iltija Meri@@@
++++++++++++++++++++++++++++++++++++
Saari Duniya Rooth Jaane Se Mujhe Garaz Nahi,
Bas Tera Rooth Jaana Mujhe Takleef Deta Hai@@@
++++++++++++++++++++++++++++++++++++
Itne Kahan Masroof Ho Gaye Ho Tum,
Ki Aaj-Kal Dil Dukhane Bhi Nahi Aate@@@
++++++++++++++++++++++++++++++++++++
Is Duniya Mein Sab Kuch Bikta Hai,
Phir Judai Hi Rishwat Kyon Nahi Leti;
Marta Nahi Hai Koi Kisi Se Juda Hokar,
Bas Yaadein Hi Hain Jo Jeene Nahi Deti@@@
++++++++++++++++++++++++++++++++++++
Ulti Ho Gayi Sab Tadbeerein Kuchh Na Dawa Ne Kaam Kiya,
Dekha ! Is Beemaari-E-Dil Ne Aakhir Kaam Tammam Kiya;

Ahad-E-Jawaani Ro Ro Kaata, Peeri Mein Li Aankhein Moond,
Yaani Raat Bahut The Jaage, Subah Huyi Aaraam Kiya;

Naahak Ham Majbooron Par Yeh Tohmat Hai Mukhtaari Ki,
Chaahte Hain So Aap Kare Hain Hamko Abas Badnaam Kiya;

Yaan Ke Sapaid-O-Siyaah Mein Hamko Dakhl Jo Hai So Itna Hai,
Raat Ko Ro Ro Subah Kiya Ya Din Ko Jun Tun Shaam Kiya;

'Meer' Ke Deen-O-Mazhab Ko Ab Poocho Kya Ho Un Ne To,
Kashqaan Khaincha, Deher Mein Baitha, Kab Ka Tarq-Islaam Kiya!
++++++++++++++++++++++++++++++++++++
Hua Hai Tujhse Bichadne Ke Baad Ye Maloom,
Ki Tu Nahi Tha Tere Sath Ek Duniya Thi!
++++++++++++++++++++++++++++++++++++
Kaash Yaadon Ka Matlab Wo Samajhte,
Kaash Khwabon Ka Matlab Wo Samajhte,
Nazar Milti Hai Hazaar Nazron Se,
Kash Hamari Nazar Ka Matlab Wo Samajhte@@@
++++++++++++++++++++++++++++++++++++
Zara Palat Kar To Dekh Lete, Hum Wahi Khade The;
Pal Do Pal To Aap Muskura Lete, To Un Palo Mein Hum Apni Saari Zindagi Guzar Lete@@@
++++++++++++++++++++++++++++++++++++
Tamanna Hai Meri Ki Aapki Aarzu Ban Jaun,
Aapki Aankh Ka Tara Na Sahi Aapki Aankh Ka Aansu Ban Jaun,
Main Aap Ki Zindagi Kee Khushi Banu Ya Na Ban Saku,
Aapke Gham Mein Aapka Sahara Ban Jaun@@@
++++++++++++++++++++++++++++++++++++
Yeh Narm Narm Hawa Jhilmila Rahe Hain Chirag,
Tere Khyal Kee Khushboo Se Bas Rahe Hain Dimag;

Dilon Ko Tere Tabassum Kee Yaad Yun Aayi,
Ki Jagmaga Uthe Jis Tarah Mandiron Mein Chirag;

Tamaam Shola-E-Gul Hai Tamaam Mauj-E-Bahaar,
Ki Taa-Had-E-Nigaah-E-Shauq Lahlahate Hain Baag;

Nayi Zameen, Naya Aasmaan, Nayi Duniya,
Suna To Hai Ki Mohabbat Ko In Dinon Hai Farag;

Dilon Mein Daag-E-Mohabbat Ka Ab Yeh Aalam Hai,
Ki Jaise Neend Mein Doobe Hon Pichali Raat Chirag;

Firaq Bazm-E-Chiragan Hai Mehfil-E-Rindan,
Saje Hain Pighli Hui Aag Se Chalkate Ayaag@@@


Pahle Is Mein Ik Adaa Thi Naaz Tha Andaaz Tha,
Roothna Ab To Teri Aadat Mein Shaamil Ho Geya@@@!
++++++++++++++++++++++++++++++++++++
Zikr Tera Hai, Ya Koi Nasha Hai;
Jab-Jab Hota Hai, Dil Behak Jaata Hai@@@
++++++++++++++++++++++++++++++++++++
Ye Yaad Hai Tumhari Ya Yaadon Mein Tum Ho,
Ye Khwab Hain Tumhare Ya Khwabon Mein Tum Ho,
Hum Nahi Jaante Humein Bas Itna Bata Do,
Hum Jaan Hain Tumhari Ya Hamari Jaan Tum Ho@@@
++++++++++++++++++++++++++++++++++++
Jaati Nahi Aankhon Se Surat Teri,
Na Jaati Hai Dil Se Mohabbat Teri,
Tere Jaane Ke Baad Hota Hai Mehsoos Yun,
Humein Aur Bhi Jyada Hai Zaroorat Teri@@@
++++++++++++++++++++++++++++++++++++
Itna To Dosti Ka Silaah Dijiye Mujhe,
Apna Samajh Ke Zeher Pila Dijiye Mujhe;

Uthe Na Taa-Ke Aap Ki Janib Nazar Koi,
Jitni Bhi Tohmtain Hain Lagaa Dijiye Mujhe;

Kyon Aap Ki Khushi Ko Mera Gham Kare Udaas,
Ik Talkhh Haadsa Hun Bhula Dijiye Mujhe;

Main Aap Ke Kareeb Hi Hota Hun Har Ghadi,
Mauka Kabhi Pade To Sada Dijiye Mujhe;

Har Cheez Dastiyaab Hai Bazaar Mein Adam,
Jhoothi Khushi Khareed Ke La Dijiye Mujhe@@@
++++++++++++++++++++++++++++++++++++
Isi Ko Kehte Hain Jannat Isi Ko Dozakh Bhi,
Woh Zindagi Jo Haseeno Ke Darmiyan Guzre@@@
++++++++++++++++++++++++++++++++++++
Teri Mehfil Se Dil Kuch Aur Tanha Hoke Lauta Hai,
Ye Lene Kya Geya Tha Aur Kya Ghar Leke Aaya Hai!
++++++++++++++++++++++++++++++++++++
Tere Khilte Chehre Se Hatti Nahi Nigahein Meri,
Bahut Nazdeek Se Tere Labon Ko Khil Khilate Dekha Hai!
++++++++++++++++++++++++++++++++++++
Ab Bhi Chale Aate Hain Khayalon Mein Woh,
Roz Lagti Hai Haziri Us Gair Hazir Ki@@@
++++++++++++++++++++++++++++++++++++
Tamanaaon Main Uljhaaya Geya Hoon,
Khilone De Ke Behlaaya Geya Hoon;

Hoon Iss Kuuche Ke Har Zaray Se Waqif,
Idhar Se Mudatton Aaya Geya Hoon;

Nahin Uthte Qadam Kyun Jaanib-E-Dair,
Kisi Masjid Main Behkaaya Geya Hoon;

Dil-E-Muztar Se Pooch Ae Raunak-E-Bazm,
Main Khud Aaya Nahin Laaya Geya Hoon;

Savera Hai Bohat Ae Shor-E-Mehshar,
Abhi Bekaar Uthvaaya Geya Hoon;

Sataya Aa Ke Pehron Aarzuu Ne,
Jo Dum Bhar Aap Main Paaya Geya Hoon;

Kuja Main Aur Kuja Ae Shad Duniya,
Kahan Se Kis Jagah Laaya Geya Hoon!

++++++++++++++++++++++++++++++++++++

Kissi Harf Main Kisi Baab Mein Nahi Aaye Ga,
Tera Zikar Meri Kitab Mein Nahi Aaye Ga@@@
++++++++++++++++++++++++++++++++++++
Ek Ajeeb Sa Rishta Hai Mere Aur Khwahishon Ke Darmiyan,
Wo Mujhe Jeene Nahi Deti Aur Main Unhe Marne Nahi Deta@@@!
++++++++++++++++++++++++++++++++++++
Doobi Hain Meri Ungliyan Mere Hi Khoon Mein,
Ye Kaanch Ke Tukdon Par Bharose Ki Saza Hai!
++++++++++++++++++++++++++++++++++++
Dard Ka Ehsaas Jaanna Hai To Pyaar Kar Ke Dekho,
Apni Aankho Mein Kisi Ko Utar Kar Dekho,
Chot Unko Lagegi Aansu Tumhe Aa Jayege,
Ye Ehsaas Jaanna Ho To Dil Haar Kar Dekho@@@
++++++++++++++++++++++++++++++++++++
Apni Tanhayi Mere Naam Pe Abaad Kare,
Kaun Ho Ga Jo Mujhe Uss Ki Tarah Yaad Kare,

Dil Ajab Sheher Ke Jis Pr Bhi Khula Dar Us Ka,
Woh Musaafir Isse Har Samt Se Barbaad Kare,

Apne Qaatil Ki Zehaanat Se Pareshaan Hoon Main,
Roz Ik Maut Naye Tarzz Ki Ijaad Kare,

Itna Hairaan Ho Meri Be-Talabbi Ke Aagey,
Waa Qaffass Main Koi Dar Khud Mera Sayaad Kare,

Salb-E-Binaayi Ke Ehkaam Mile Hain Jo Kabhi,
Roshni Chhuune Ki Khawhish Koi Shab-Zaad Kare,

Soch Rakhnaa Bhi Jaraayem Main Hai Shaamil Ab To,
Wohi Maasoom Hai Har Baat Pe Jo Saad Kare,

Jab Lahuu Bol Parre Us Ke Gavaahon Ke Khilaaf,
Qaazi-E-Sheher Kuch Is Baab Main Irshaad Kare,

Uss Ki Muthi Main Bohat Roz Raha Mera Wajood,
Mere Saahir Se Kaho Ab Mujhe Aazaad Kare!
++++++++++++++++++++++++++++++++++++
Phool Allah Ne Banaye Hain Mehkane Ke Liye,
Aur Bulbul Ko Banaya Hai Chehakne Ke Liye,
Aish-e-Gham Se Banaya Hai Mere Seene Mein,
Dil Ko Angare Kee Manind Dehkane Ke Liye!
++++++++++++++++++++++++++++++++++++
Aaina Dekh Ke Kehte Hain Sanwarne Waale,
Aaj Be-Maut Maren Ge Mere Marne Waale!
++++++++++++++++++++++++++++++++++++
Ajnabi Ban Ke Miloon Ga Main Tujhe Mehfil Mein,
Tu Ne Chedi Bhi To Main Baat Badal Jaaon Ga@@@
++++++++++++++++++++++++++++++++++++
Bulaya Maut Ko Barson Maine Iltijaa Kar Ke,
Khuda Ke Paas Chala Hun Khuda Khuda Kar Ke@@@
++++++++++++++++++++++++++++++++++++
Hum Musaafir Yun Hi Masroof-E-Safar Jaayen Ge,
Be-Nishaan Ho Gaye Jab Shehar To Ghar Jaayen Ge;

Kis Kadar Hoga Yahan Mehr-O-Wafa Ka Maatam,
Hum Teri Yaad Se Jis Roz Utar Jaayen Ge;

Jauhri Band Kiye Jaate Hain Bazaar-E-Sukhan,
Hum Kise Bechne Almaas-O-Gauhar Jayen Ge;

Nemat-E-Zeest Ka Yeh Karz Chukega Kaise,
Laakh Ghabra Ke Yeh Kehte Hain Rahen Mar Jaayen Ge;

Shayad Apna Bhi Koi Bait Hudi-Khvan Ban Kar,
Saath Jaaye Ga Mere Yaar Jidhar Jaayen Ge;

Faiz Aate Hain Rah-E-Ishq Main Jo Sakht Maqaam,
Aane Walon Se Kaho Hum To Guzar Jaayen Ge@@@


Dekh To Dil Ki Jaan Se Uthta Hai,
Ye Dhuan Sa Kahan Se Uthta Hai@@@
++++++++++++++++++++++++++++++++++++
Rehna Yun Tere Khyalon Mein Yeh Meri Aadat Hai,
Koi Kehta Ishq Hai Koi Kehta Ibadat Hai Yeh@@@
++++++++++++++++++++++++++++++++++++
Do Chaar Lafz Keh Kar Khamosh Ho Geya Main,
Wo Muskura Ke Boli Bahut Bolte Ho Tum!
++++++++++++++++++++++++++++++++++++
Samajh Na Aaye Ai Zindagi Tera Yeh Faisla,
Ek Taraf Kehte Hain Sabar Ka Phal Meetha Hota Hai,
Aur Dusri Taraf Kehte Hain Waqt Kisi Ka Intezar Nahi Karta!
++++++++++++++++++++++++++++++++++++
Na Ho Yaa Rabb Aisi Tabiyat Kisi Kee,
Ki Hans Hans Ke Dekhe Museebat Kisi Kee;

Jafaa Un Se Mujh Se Wafa Kaise Chhute,
Ye Sach Hai Nahi Chhutati Aadat Kisi Kee;

Achhoota Jo Gham Ho To Is Mein Bhi Khush Hun,
Nahi Mujh Ko Manzoor Shirkat Kisi Kee;

Haseeno Kee Dono Adayein Hain Dil-Bar,
Kisi Kee Haya To Shararat Kisi Kee;

Mujhe Gum-Shuda Dil Ka Gham Hai To Ye Hai,
Ke Is Mein Bhari Thi Mohabbat Kisi Kee;

Bahut Roye Hum Yaad Mein Apne Dil Kee,
Jahan Dekhi Nanhi Si Turbat Kisi Kee!
++++++++++++++++++++++++++++++++++++
Teri Wafaa Se Kya Ho Talafi Ki Dahar Mein,
Tere Siwa Bhi Hum Pe Bahut Se Sitam Hue@@@
++++++++++++++++++++++++++++++++++++
Tujhe Paane Kee Chahat Itni Badh Gayi Ki Apno Kee Mohabbat Bhool Geya,
Inkaar Karke Bada Gunaah Kiya Tune Main Meri Sharafat Bhool Geya@@@
++++++++++++++++++++++++++++++++++++
Din Mein Kaam Nahi Sone Deta,
Raat Mein Ek Naam Nahi Sone Deta!
++++++++++++++++++++++++++++++++++++
Abhi Raat Hai Baaki Naa Utha Naqaab Saaki,
Tera Rind Girte Girte Kahin Phir Sambhal Na Jayein@@@
++++++++++++++++++++++++++++++++++++
Mujhse Milne Ke Wo

Mujhse Milne Ke Wo Karta Thaa Bahane Kitne,
Ab Guzarega Mere Saath Zamaane Kitne;

Main Gira Tha To Bahut Log Ruke The Lekin,
Sochta Hun Mujhe Aaye The Uthane Kitne;

Jis Tarah Maine Tujhe Apna Bana Rakha Hai,
Sochte Honge Yahi Baat Na Jaane Kitne;

Tum Naya Zakham Lagao Tumhein Is Se Kya Hai,
Bharne Wale Hain Abhi Zakham Purane Kitne!

++++++++++++++++++++++++++++++++++++

Kaam Aa Sakin Na Apni Wafayein To Kya Karen,
Us Bewafa Ko Bhool Na Jayein To Kya Karen!
++++++++++++++++++++++++++++++++++++
Kuch Itne Diye Hasrat-e-Didar Ne Dhokhe,
Wo Samne Baithe Hain Yakeen Hum Ko Nahi Hai!
++++++++++++++++++++++++++++++++++++
Bin Tumhare Main Jee Geya Ab Tak,
Tumko Kya Khud Mujhe Yakeen Nahi!
++++++++++++++++++++++++++++++++++++
Dil Bhi Toda To Salike Se Na Toda Tumne,
Bewafai Ke Bhi Aadab Hua Karte Hain!
++++++++++++++++++++++++++++++++++++
Jhonka Idhar Na Aaye Naseem-e-Bahaar Ka,
Naazuk Bahut Hai Phool Charaag-e-Mazaar Ka;

Phir Baithe-Baithe Vaad-e-Vasl Us Ne Kar Liya,
Phir Uth Khada Hua Vahi Rog Intezaar Ka;

Shaakhon Se Barg-e-Gul Nahi Jhadte Hain Baag Mein,
Zevar Utaar Raha Hai Uroos-e-Bahaar Ka;

Har Gul Se Laalazaar Mein Ye Puchta Hun Main,
Tu Hi Pata Bata De Dil-e-Daagdaar Ka;

Is Pyaar Se Fishaar Diya Gor-e-Tang Ne,
Yaad Aa Geya Maza Mujhe Aagosh-e-Yaar Ka;

Hilti Nahi Hawa Se Chaman Mein Ye Daaliyan,
Munh Choomte Hain Phool Uroos-e-Bahaar Ka;

Uthta Hai Naza Mein Vo Sarhane Se Ai 'Ameer',
Mitta Hai Aasra Dil-e-Ummeedvaar Ka@@@
++++++++++++++++++++++++++++++++++++
Phir Apne Aap Pe Us Ko Hijab Aata Hai,
Thirkati Jheel Pe Jab Mahtab Aata Hai,
Dikhaiye Na Humein Aap Mausami Aansu,
Ki Ye Hunar To Humein Be-Hisab Aata Hai@@@
++++++++++++++++++++++++++++++++++++
Kayi Baar Bina Galti Ke Bhi Galti Maan Lete Hain Hum,
Kyonki Darr Lagta Hai Kahin Koi Apna Humse Rooth Na Jaye!
++++++++++++++++++++++++++++++++++++
Kar De Apne Ishq Mein Madhosh Is Tarah Ki,
Hosh Bhi Aane Se Pehle Izazat Maange!
++++++++++++++++++++++++++++++++++++
Ai Maut Aa Kar Humko Khamosh To Kar Gayi Tu,
Magar Sadiyon Dilon Ke Andar Hum Gunjte Rahenge!
++++++++++++++++++++++++++++++++++++
Koi Naata Na Mohabbat Ke Barabar Nikla,
Toot Kar Chaha Jise Woh Sitamgar Nikla;

Yun To Har Lehar Se Thi Apni Shanasayi Bahut,
Samjha Sahil Jise Woh Gham Ka Samandar Nikla;

Rooh Mein Jhaanka To Yeh Mehsoos Hua Mujh Ko,
Itna Zarkhaiz Jo Lagta Tha Woh Banjar Nikla;

Narmi Hathon Mein Na Garmi Saanson Mein Magar,
Maine Chuu Kar Use Dekha To Woh Patthar Nikla@@@



Ab To Daman-e-Dil Chhod Do Bekaar Umeedo,
Bahut Dukh Seh Liye Maine Bahut Din Jee Liya Maine!
++++++++++++++++++++++++++++++++++++
Jo Roshni Mein Khade Hain Woh Jaante Hi Nahin,
Hawaa Chale To Chiraghon Kee Zindagi Kya Hai!
++++++++++++++++++++++++++++++++++++
Tumhare Shehar Ka Mausam Bada Suhana Lage,
Main Ek Shaam Chura Lun Agar Bura Na Lage@@@
++++++++++++++++++++++++++++++++++++
Mohabbat Main Karne Laga Hun, Uljhano Mein Jeene Laga Hun;
Deewana To Main Tha Nahi Lekin, Tera Deewana Banne Laga Hun!
++++++++++++++++++++++++++++++++++++
Deedaar Ki Hawas Hai Na Shauq-E-Visaal Hai,
Azaad Har Khayal Se Mast-E-Khayal Hai;

Keh Do Yeh Kohkan Se Hi Marna Nahi Kamaal,
Mar Mar Ke Hijr-E-Yaar Main Jeena Kamaal Hai;

Fatva Diya Hai Mufti Abr-E-Bahaar Ne,
Tauba Ka Khooon Baada-Kashon Ko Halaal Hai;

Aankhen Bata Rahi Hain Jaage Ho Raat Ko,
In Saaghron Mein Buu-E-Sharab-E-Visaal Hai;

Barsaao Teer Mujh Pe Par Itna Jaan Lo,
Pehlu Mein Dil Hai Dil Mein Tumhara Khayal Hai;

Aankhen Lada Ke Un Se Hum Aafaat Mein Pad Gaye,
Aankhon Ki Har Zubaan Pe Dil Ka Sawaal Hai;

Bhutt Keh Diya Jo Maine To Ab Bolte Nahin,
Itni Si Baat Ka Tumhe Itna Khayal Hai;

Pucha Jo Unse Jaante Ho Tum Jaleel Ko,
Bole Ke Haan Woh Shayer-E-Naazuk-Khayal Ha@@@
++++++++++++++++++++++++++++++++++++
Hua Hai Chaar Sajdon Par Ye Dava Zahidon Tum Ko,
Khuda Ne Kya Tumhare Haath Jannat Bech Dali Hai!
++++++++++++++++++++++++++++++++++++
Purani Hokar Bhi Khaas Hoti Ja Rahi Hai,
Mohabbat Besharam Hai, Behisab Hoti Ja Rahi Hai@@@
++++++++++++++++++++++++++++++++++++
Zara Sa Jhooth Hi Keh Do Mujh Bin Tum Adhure Ho,
Tumhara Kya Bigadta Hai Bas Phir Se Mukar Jana!
++++++++++++++++++++++++++++++++++++
Aksar Sukhe Hue Honthon Se Hi Hoti Hai Meethi Baatein,
Pyaas Bujh Jaye To Alfaz Aur Insaan Dono Badal Jaya Karte Hain@@@
++++++++++++++++++++++++++++++++++++
Khayaal-e-Yaar Mein Mujh Ko Yun Hi Madhosh Rehne Do,
Na Pucho Raat Ka Qissa Mujhe Khamosh Rehne Do;

Sunaya Vasl Ka Qissa To Mere Dost Yun Bole,
Kahan Tum Kahan Us Kee Haseen Aghosh Rehne Do;

Mujhe Maloom Hai Us Ne Mera Hona Nahin Lekin,
Meri Umeed Mat Todo Mujhe Pur-Josh Rehne Do;

Mohabbat Jurm Hai Mera Mujhe Iqraar Hai Iska,
Wafaa Ilzaam Hai To Phir Mere Sar Dosh Rehne Do;

Kitaab-e-Ishq Se Hum Par Yehi Raaz Khula Hai,
Paaye Jo Jaam Ulfat Ka Usse Meh-Nosh Rehne Do@@@

++++++++++++++++++++++++++++++++++++

Kaun Rota Hai Kisi Aur Kee Khaatir Ai Dost,
Sab Ko Apni Hi Kisi Baat Pe Rona Aayaa@@@
++++++++++++++++++++++++++++++++++++
Tere Pyaar Ki Hifazat Kuch Is Tarah Se Ki Maine,
Jab Kabhi Kisi Ne Pyaar Se Dekha To Nazrein Jhuka Li Humne!
++++++++++++++++++++++++++++++++++++
Karni Hai Khuda Se Dua Ki Teri Mohabbat Ke Siva Kuch Na Mile,
Zindagi Mein Tu Mile Sirf Tu, Ya Phir Zindagi Na Mile@@@
++++++++++++++++++++++++++++++++++++
Durust Kar Hi Liya Maine Nazriya Apna,
Ki Dard Na Ho To Mohabbat Mazaak Lagti Hai!
++++++++++++++++++++++++++++++++++++
Muddat Se Lapata Hai Khudaa Jaane Kya Hua,
Phirta Tha Ek Shakhs Tumhein Puchta Huaa;

Wo Zindgi Thi Aap The Ya Koi Khwab Tha,
Jo Kuch Tha Ek Lamhe Ko Bas Samna Hua;

Hum Ne Tere Bagair Bhi Jee Kar Dikha Diya,
Ab Ye Sawal Kya Hai Ki Phir Dil Ka Kya Hua;

So Bhi Wo Tu Na Dekh Saki Ai Hawa-e-Dahar,
Seene Mein Ik Charag Rakha Tha Jala Hua;

Duniya Ko Zid Numaish-e-Zakhm-e-Jigar Se Thi,
Fariyad Maine Kee Na Zamana Khafa Hua;

Har Anjuman Mein Dhyaan Usi Anjuman Ka Hai,
Jagaa Ho Jaise Khwaab Koi Dekhta Hua;

Ye Iztiraab-e-Shauq Hai 'Akhtar' Ki Gum-Rahi,
Main Apne Kaafile Se Hun Koson Badha Hua@@@
++++++++++++++++++++++++++++++++++++
Aaye The Hanste Khelte Mai-Kane Mein 'Firaq',
Jab Pi Chuke Sharab To Sanjida Ho Gaye!
++++++++++++++++++++++++++++++++++++
Main Roz Pilata Hun Use Zehar Ka Piyala,
Ek Dard Jo Andar Hai, Marta Hi Nah@@@
++++++++++++++++++++++++++++++++++++
Kab Thehrega Dard Ai Dil Kab Raat Basar Hogi,
Sunte The Woh Aayenge, Sunte The Sehar Hogi!
++++++++++++++++++++++++++++++++++++
Hum Tujh Se Alag Reh Kar Bhi Rehte Hain Tere Pass,
Hote Hain Teri Bazam Mein Hote Hain Jahan Bhi@@@
++++++++++++++++++++++++++++++++++++
Ab Woh Ghar Tak Viraana Tha Bas Viraana Zinda Tha,
Sab Aankhen Damm Tod Chuki Thi Aur Main Tanha Zinda Tha;

Saari Gali Sunsaan Padi Thi Baad-E-Fana Ke Pehre Mein,
Hijr Ke Dalaan Aur Aangan Mein Bas Ik Saaya Zinda Tha;

Woh Dopeher Apni Rukhsat Ki Aisa Waisa Dhoka Thi,
Apne Andar Apni Laash Uthaaye Main Jhootha Zinda Tha;

Thi Woh Ghar Raatein Bhi Kahani Vaade Aur Phir Din Ginna,
Aana Tha Jaane Wale Ko Jaane Wala Zinda Tha;

Dastak Dene Wale Bhi The Dastak Sunne Wale Bhi,
Tha Abaad Mohalla Sara Har Darwaza Zinda Tha;

Peele Patton Ko Seh-Pehr Ki Vehshat Pursa Deti Thi,
Aangan Mein Ik Aundhe Ghade Par Bas Ik Kava Zinda Tha@@@

++++++++++++++++++++++++++++++++++++

Log Kehte Hain Ki Badnaami Se Bachna Chahiye,
Keh Do Be Is Ke Jawani Ka Maza Milta Nahi@@@
++++++++++++++++++++++++++++++++++++
Hamare Chale Jaane Ke Baad Yeh Samandar Ki Ret Bhi Tumse Pucha Karegi,
Kahan Chala Geya Woh Shakhs Jo Tanhai Mein Aa Kar Bas Tumhara Hi Naam Likha Karta Tha
++++++++++++++++++++++++++++++++++++
Ungliya Aaj Bhi Isi Soch Mein Gum Hain,
Ki Kaise Usne Naye Haath Ko Thama Hoga!
++++++++++++++++++++++++++++++++++++
Haadse Kya Kya Tumhari Berukhi Se Ho Gaye,
Sari Duniya Ke Liye Hum Ajnabi Se Ho Gaye!
++++++++++++++++++++++++++++++++++++
Zara Si Der Ko Aaye The Khwab Aankhon Mein,
Phir Us Ke Baad Musalsal Azaab Aankhon Mein;

Wo Jis Ke Naam Kee Nisbat Se Roshani Tha Wujood,
Khattak Raha Hai Wohi Aaftaab Aankhon Mein@@@

Jinhen Mata-E-Dil-O-Jaan Samajh Rahe The Hum,
Wo Aaine Bhi Hue Behijab Aankhon Mein;

Ajab Tarah Ka Hai Mausam Kee Khak Udti Hai,
Wo Din Bhi The Ki Khile The Gulab Aankhon Mein;

Mere Ghazal Teri Wahshaton Kee Khair, Ke Hai,
Bahut Dinon Se Bahut Iztarab Aankhon Mein;

Na Jane Kaisi Qayamat Ka Peshkhema Hai,
Ye Uljhanein Teri Be-Intasaab Aankhon Mein@@@
++++++++++++++++++++++++++++++++++++
Meri Chahat Ka Sar-e-Aam To Charcha Na Karo,
Kam To Pehle Bhi Nahin Aur To Ruswa Na Karo!
++++++++++++++++++++++++++++++++++++
Dil Se Roye Magar Honthon Se Muskura Baithe,
Yun Hi Hum Kisi Se Wafa Nibha Baithe,
Wo Humein Ek Lamha Na De Paye Apne Pyaar Ka,
Aur Hum Unke Liye Apni Zindagi Luta Baithe!
++++++++++++++++++++++++++++++++++++
Tum Ko Chahne Ki Vajah Kuch Bhi Nahi,
Ishq Ki Fitrat Hai Bevajah Hona!
++++++++++++++++++++++++++++++++++++
Kya Hua Jo Mere Lab Tere Lab Se Lag Gaye,
Maaf Na Karo To Na Sahi, Badla To Le Lo!
++++++++++++++++++++++++++++++++++++
Aye Dost Teri Aankh Jo Nam Hai To Mujhe Kya,
Main Khoob Hansunga Tujhe Gham Hai To Mujhe Kya;

Kya Main Ne Kaha Tha Ki Zamane Se Bhala Kar,
Ab Tu Bhi Sazavar-e-Sitam Hai To Mujhe Kya;

Haan Le Le Kasam Gar Mujhe Qatra Bhi Mila Ho,
Tu Shaaki-e-Arbaab-e-Karam Hai To Mujhe Kya;

Jis Dar Se Nidamat Ke Siva Kuch Nahi Milta,
Us Dar Pe Tera Sar Bhi Jo Khham Hai To Mujhe Kya;

Maine To Pukara Hai Mohabbat Ke Ufaq Se,
Raaste Mein Tere Sang-e-Haram Hai To Mujhe Kya;

Bhoola To Na Hoga Tujhe Suqraat Ka Anjaam,
Haathon Mein Tere Saaghar-e-Sam Hai To Mujhe Kya;

Patthar Na Paden Gar Sar-e-Bazaar To Kehna,
Tu Motarif-e-Husn-e-Sanam Hai To Mujhe Kya;

Main Sarmad-o-Mansoor Bana Hun Teri Khaatir,
Yeh Bhi Teri Umeed Se Kam Hai To Mujhe Kya@@@

++++++++++++++++++++++++++++++++++++

Le De Ke Apne Paas Faqat Ek Nazar To Hai,
Kyon Dekhe Zindagi Ko Kisi Kee Nazar Se Hum!
++++++++++++++++++++++++++++++++++++
Ishq Ka Batwara Razamandi Se Hua,
Chamak Unhone Batori Tanhai Hum Le Aaye@@@
++++++++++++++++++++++++++++++++++++
Waqt Ki Ho Dhoop Ya Tez Ho Aandhiyan,
Kuch Kadmon Ke Nishaan Kabhi Nahi Khote,
Jinhe Yaad Karke Muskura Den Ye Aankhein,
Wo Log Door Hokar Bhi Door Nahi Hote!
++++++++++++++++++++++++++++++++++++
Meri Zindagi Mein Khushiyan Tere Bahane Se Hain,
Aadhi Tujhe Satane Se Hain Aadhi Tujhe Manane Se Hain@@@

Ik Aaalam-E-Hijraan Hi Ab Hum Ko Pasand Aaya,
Yeh Khaana-E-Viraaan Hi Ab Hum Ko Pasand Aaya;

Benaaam-O-Nishaan Rehna Ghurbat Ke Ilaaqe Main,
Yeh Sheher Bhi Dilkash Tha Tab Hum Ko Pasand Aaya;

Tha Laal Hua Manzar Sooraj Ke Nikalne Se,
Woh Waqt Tha Woh Chehra Jab Hum Ko Pasand Aaya;

Hai Qataa-E-Talluq Se Dil Khush To Bahut Apna,
Ik Hadh Hi Banaa Lena Kab Hum Ko Pasand Aaya;

Aana Woh 'Munir' Us Ka Be-Khauf-O-Khatar Hum Tak,
Yeh Turfaa Tamaasha Bhi Shab Hum Ko Pasand Aaya@@@
++++++++++++++++++++++++++++++++++++
Jab Talak Sheesha Raha Main Bada Toda Geya,
Ban Geya Patthar To Sab Ne Devta Maana Mujhe!
++++++++++++++++++++++++++++++++++++
Hazaron Hote Hain Mere Lafzon Ke Deewane,
Meri Khamoshi Sunne Wala Agar Koi Hota To Kya Baat Thi@@@
++++++++++++++++++++++++++++++++++++
Mohabbat Bhi Bheekh Hai Shayad,
Badi Mushkil Se Milti Hai@@@!
++++++++++++++++++++++++++++++++++++
Kitna Badlun Khud Ko Tere Liye,
Kuch To Mere Andar Mera Rehne De@@@
++++++++++++++++++++++++++++++++++++
Hans Ke Farmaate Hain Wo Dekh Kar Halat Meri,
Kyon Tum Aasaan Samajhate The Mohabbat Meri;

Baad Marane Ke Bhi Chhodi Na Rafaaqat Meri,
Meri Turbat Se Lagi Baithi Hai Hasrat Meri;

Maine Aagosh-e-Tasavur Mein Bhi Khencha To Kaha,
Pis Gayi Pis Gayi Bedard Nazakat Meri;

Aaina Subah-e-Shab-e-Vasl Jo Dekha To Kaha,
Dekh Zaalim Ye Thi Shaam Ko Soorat Meri;

Yaar Pehalu Mein Hai Tanhayi Hai Keh Do Nikle,
Aaj Kyon Dil Mein Chhupi Baithi Hai Hasrat Meri;

Husn Aur Ishq Hum Aagosh Nazar Aa Jaate,
Teri Tasveer Mein Khinch Jaati Jo Hairat Meri;

Kis Dhitaayi Se Vo Dil Chheen Ke Kehte Hain 'Ameer',
Vo Mera Ghar Hai Rahe Jis Mein Mohabbat Mer@@@

++++++++++++++++++++++++++++++++++++

Ai Dost Humne Tark-E-Mohabbat Ke Bawajud,
Mehsoos Ki Hai Teri Zarurat Kabhi Kabhi@@@
++++++++++++++++++++++++++++++++++++
Tujhe Dekhu To Sara Jahaan Rangeen Nazar Aata Hai,
Tere Bina Dil Ko Chain Kahan Aata Hai,
Tum Hi Ho Mere Dil Kee Dhadkan,
Tere Bina Ye Sansar Suna Suna Nazar Aata Hai@@@
++++++++++++++++++++++++++++++++++++
Mat Dekho Humein Tum Yun Is Tarah,
Pyaar Tumehin Hoga Aur Ilzaam Hum Par Lagega@@@
++++++++++++++++++++++++++++++++++++
Yaadon Kee Dhund Mein Aapki Parchai Si Lagti Hai,
Kaano Mein Goonjti Shehnai Si Lagti Hai,
Aap Kareeb Ho To Apnapan Hai,
Varna Seene Mein Saanse Bhi Parai Si Lagti Hain@@@
++++++++++++++++++++++++++++++++++++
Dushman Kee Dosti Hai Ab Ahale Vatan Ke Saath,
Hai Ab Khijaan Chaman Mein Naye Pairahan Ke Saath;

Sar Par Hawaye Zulm Chale Sau Yatan Ke Saath,
Apni Kulaah Kaj Hai Usi Baankpan Ke Saath;

Kisne Kaha Ki Toot Geya Khanzare Phirang,
Seene Pe Zakhme Nau Bhi Hai Daage Kuhan Ke Saath;

Jhonke Jo Lag Rahe Hain Naseeme Bahaar Ke,
Jumbish Mein Hai Kafas Bhi Aseere Chaman Ke Saath;

Majrooh Kaafale Ki Mere Daastaan Ye Hai,
Rehbar Ne Mil Ke Loot Liya Raahajan Ke Saath@@@
++++++++++++++++++++++++++++++++++++
Assi Kise De Kujh Nahi Lagde, Na Koi Saada Dardi;
Vich Raahan De Chadd Ke Tur Gaye, Wah Maula Teri Marzi@@@
++++++++++++++++++++++++++++++++++++
Khamosh Chehre Par Hazaron Pehre Hote Hain;
Hansti Aankhon Mein Bhi Zakham Gehre Hote Hain;
Jinse Aksar Rooth Jaate Hain Hum;
Asal Mein Unse Hi Rishte Gehre Hote Hain@@@
++++++++++++++++++++++++++++++++++++
Laga Kar Aag Seeney Mein Chale Ho Tum Kahan;
Abhi To Raakh Udne Do Tamasha Aur Bhi Hoga@@@
++++++++++++++++++++++++++++++++++++
Ab Kaun Se Mausam Se Koi Aas Lagaye;
Barsaat Mein Bhi Yaad Na Jab Un Ko Hum Aaye@@@
++++++++++++++++++++++++++++++++++++
Meri Saari Zindagi Ko Be'samar Iss Ne Kiya;
Umar Meri Thi Magar,Isko Basar Iss Ne Kiya;

Main Bahut Kamzor Tha Iss Mulq Mein Hijrat Ke Baad;
Par Mujhe Iss Mulq Mein Kamzor'tar Iss Ne Kiya;

Rehbar Mera Bana Gumraah Karne Ke Liye;
Mujhko Seedhe Raaste Se Darbadar Iss Ne Kiya;

Shehar Mein Woh Moatbir Meri Gawahi Se Hua;
Phir Mujhe Iss Shehar Mein Na'moatbir Iss Ne Kiya;

Shehar Ko Barbaad Kar Ke Rakh Diya Iss Ne 'Munir';
Shehar Per Yeh Zulm Mere Naam Par Iss Ne Kiya@@@

++++++++++++++++++++++++++++++++++++


Kahan Ka Vasl Tanhai Ne Shayad Bhes Badla Hai;
Tere Dam Bhar Ke Mil Jaane Ko Hum Bhi Kya Samajhte Hain@@@
++++++++++++++++++++++++++++++++++++
Itni Lambi Umar Kee Dua Mat Maang Mere Liye;
Aisa Na Ho Ke Tu Bhi Chhod De Aur Maut Bhi Na Aaye@@@
++++++++++++++++++++++++++++++++++++
Udasiyon Ki Vajah To Bahut Hai Zindagi Mein,
Lekin Bevajah Khush Rehne Ka Maza Hi Kuch Aur Hai@@@
++++++++++++++++++++++++++++++++++++
Mana Ki Kismat Pe Mera Jor Nahi,
Par Meri Mohhabat Bhi Kamzor Nahi,
Mana Ki Uske Dil-o-Dimag Mein Koi Aur Hai,
Par Meri Saanso Mein Uske Siwa Koi Aur Nahi@@@
++++++++++++++++++++++++++++++++++++
Ye Aarzoo Thi Tujhe Gul Ke Rubaru Karte,
Hum Aur Bulbul-e-Betaab Guftagu Karte;

Payaam Bar Na Mayassar Hua To Khoob Hua,
Zubaan-e-Gair Se Kya Shar Kee Aarzoo Karte;

Meri Tarah Se Maah-o-Mahar Bhi Hain Aawara,
Kisi Habeeb Ko Ye Bhi Hain Justaju Karte;

Jo Dekhte Teri Zanjeer-e-Zulf Ka Aalam,
Aseer Hone Ke Aazaad Aarzoo Karte;

Na Puch Aalam-e-Bargashta Tali-e-"Aatish",
Barasati Aag Mein Jo Baaraan Kee Aarzoo Karte@@@
++++++++++++++++++++++++++++++++++++
Maloom Jo Hota Humein Anzaam-e-Mohabbat,
Lete Na Kabhi Bhool Ke Hum Naam-e-Mohabaat!
++++++++++++++++++++++++++++++++++++
Itna Yaad Na Aaya Kar Ki Raat Bhar Na So Sake Hum,
Subah Ko Surkh Aankhon Ka Sabab Puchte Hain Log@@@
++++++++++++++++++++++++++++++++++++
Usne Aashiyana Bana Rakha Hai Dil Ko Mere,
Lekin Na Wo Khud Rehta Hai Na Main Kisi Aur Ko Basa Sakta Hun@@@
++++++++++++++++++++++++++++++++++++
Wo Mohabbat Bhi Teri Thi, Wo Nafrat Bhi Teri Thi;
Wo Apnapan Aur Thukrane Ki Ada Bhi Teri Thi;
Hum Apni Wafa Ka Insaf Kisse Maangte,
Wo Shehar Bhi Tera Tha Aur Adalat Bhi Teri Thi@@@
++++++++++++++++++++++++++++++++++++
Dhoop Bahut Hai Mausam Jal-Thal Bhejo Na,
Baba Mere Naam Ka Baadal Bhejo Na;

Molsari Kee Shaakhon Par Bhi Diye Jalen,
Shaakhon Ka Kesaraya Aanchal Bhejo Na;

Nanhi Munni Sab Chehkarein Kahaan Gayi,
Moron Ke Pairon Kee Payaal Bhejo Na;

Basti Basti Dehshat Kisne Bo Di Hai,
Galiyon Bazaaron Kee Hulchal Bhejo Na;

Saare Mausam Ek Umas Ke Aadi Hain,
Chhaanv Kee Khushbu, Dhoop Ka Sandal Bhejo Na;

Main Basti Mein Aakhir Kis Se Baat Karun,
Mere Jaisa Koi Paagal Bhejo Na@@@

No comments :